ಯಾಕ್ಲೀ ಮಗ

ಯಾಕ್ಲೀ ಮಗ ಮಂಗ್ನಂತ್ ಆಡ್ತಿ,
ಒಂದ್ ಸಾರಿ ಮೂಗ್ ಹಿಡಿತಿ,
ಮತ್ತೊಮ್ಮೆ ತಲೆಗ್ ಬಡಿತಿ.

ಸಿಕ್ಕಿದ್ದೆಲ್ಲ ಬಾಯಿಗ್ ಹಾಕ್ತಿ,
ಕಸ ಕಡ್ಡಿ ಎಲ್ಲಾನ್ ನೆಕ್ತಿ,
ಹೆಂಗ್ಲೇ ವಿವರ್ಸ್ಲಿ ನಿನ್ನೀ ಸಂಕ್ತಿ?

ಮೊನ್ನೆ ನನ್ನ ಬೂಟು ಕಚ್ದಿ,
ಬೇಡ ಅಂದ್ರು ರಿಮೋಟ್ ಚಚ್ದಿ,
ಸುಮ್ನಿದ್ ಅಕ್ಕಂಗ್ ಪೆಂನ್ಸಿಲ್ನಲ್ ಚುಚ್ದಿ.

ಬೀದಿ ಆಚೆಗ್ ಹೇಳ್ದಂಗ್ ಓಡ್ತಿ,
ದೇವ್ರನ್ ಬಚ್ಚಲ್ ಮನೆಯಲ್ ಇಡ್ತಿ,
ಸಿಕ್ ಬಿದ್ ಮೆಳ್ಳನಂಗ್ ಮೂತಿ ಮಾಡ್ತಿ.

ಹ್ಯಾಂಗ್ಲೆ ನಿನ್ನ ಹಿಡ್ದ್ ಇಡೋದು?
ಹ್ಯಾಂಗ್ಲೆ ಬೈದೆ ಸುಮ್ನಿರೋದು?
ಹಾಂಗ್ಲೆ ಮುದ್ದು ಮಾಡ್ದೆ ಇರೋದು?