ಪಧ್ಯವ ಬರೆಯಲೆ?

ಕವನವ ಬರೆಯಲೇಂ?
ಮನದಾಳಕೆ ಇಳಿಯಲೇಂ?
ಚಿತ್ತವ ಕಲಕಲೇಂ?
ಅವಕಾಶವನ್ ಬಿತ್ತಲೇಂ?

ಬರೆಯುವದೇನನು, ಬಯಸುವುದೇನನು?
ಬಯಸದೆ ಬೆಸೆಯಲು ಯತ್ನಿಸಲೆ?
ವಿಷಯದ ಮರ್ಮವ ಪಸರಿಸಲೆ?

ಬರೆಯಲಿ ಏನನು ಅರಿಯೆನು ನಾನು,
ತಲ್ಲಣಗೊಳಿಸುವ ಯಾತನೆಯೋ?
ಮನಸಾಳದಿ ಕುದಿಯುವ ಯೋಚನೆಯೋ?

ಬುದ್ದಿಗೆ ಎಟುಕದ, ಚರ್ಚೆಗೆ ಸಲ್ಲದ,
ಕಣ್ಣಿಗೆ ಕಾಣದ ವಿಷಯವನೋ?
ವಿಷಯಕೆ ಸಿಲುಕದ ವಿಷಮವನೊ?

ಅರ್ಥವನರಿಯದೆ, ವ್ಯರ್ಥವಿದೆನ್ನದೆ
ರಚಿಸಲು ಕವನವ ಕೂತಿಹೆನು
ನೆನೆಯುತ ಇಡಿ-ಕವಿ ಜಾತಿಯನು.

..... ಮುಂದುರೆಯುವುದೋ ಇಲ್ಲವೋ ಅರಿಯೆ!!!!